US President Trump bibisita sa Pilipinas sa Nobyembre

Nakatakdang bumisita sa Pilipinas si US President Donald Trump sa Nobyembre.

Kabilang sa Trump sa labing-apat (14) na heads of state na inaasahang dadalo sa 50th anniversary celebration ng Association of Southeast Asian Nations (ASEAN) sa November 13 hanggang 14.

Ayon kay Tourism Director for Central Luzon Ronnie Tiotuico, makakasama ng pangulo ng Amerika ang mga kapwa leader mula sa sampung (10) ASEAN member-countries maging sina Russian President Vladimir Putin at Japanese Prime Minister Shinzo Abe.

Gayunman, hindi naman anya nila matiyak kung dadalo si Chinese President Xi Jinping.

Nasa apatnalibong (4,000) katao ang inaasahang dadalo sa event na gaganapin sa Clark Freeport Zone sa Pampanga.

By  Drew Nacino

Comments

comments