Binantaan ni US President Donald Trump maging si Vice President Mike Pence ng Turkey sa posibleng ipataw sa kanila na parusa.
Ito ay kapag hindi pinalaya ng pamahalaan ng Turkey ang isang American pastor na kasalukyang naka-house arrest sa kanilang bansa.
Ayon kay Trump, pagsisisihan ng Turkey ang matagal na pagkakakulong ng great Christian pastor na si Andrew Brunson.
Inaresto noong 2016 si Brunson sa isinagawang crackdown sa mga journalists, academics at Christian minorities kasunod ng tangkang kudeta.
—-
