Nakatakdang magsagawa ng kilos protesta sa EDSA Shrine ang grupong Tindig Pilipinas sa Linggo, Nobyembre 5.
Ayon kay Magdalo Partylist Representative Gary Alejano, ang naturang kilos protesta ay alinsunod sa bagong kampanya ng simbahang Katolika na “Start the Healing” at pagdedeklara ng “Lord Heal our Land Sunday”.
Kasabay din ito ng isasagawang misa ng simbahang Katolika sa EDSA Shrine na inaasahang dadaluhan ng mga miyembro ng grupong Tindig Pilipinas.
Ang “Start the Healing Campaign” na inilunsad ng simbahang Katolika ay ang tatlumpung (30) araw na pagdarasal para sa kapayapaan, kaluluwa ng mga biktima ng hinihinalang extra judicial killings o EJK’s at paggaling ng bansa mula Nobyembre 5 hanggang Disyembre 8.
