Tinututulan ng UFCC o United Filipino Consumers and Commuters Group ang ipatutupad na dagdag singil sa cargo handling ng PPA o Philippine Ports Authority sa Manila North Harbour Port.
Ayon kay UFCC President Rodolfo Javellana Jr., ang nasabing dagdag singil sa pantalan ay posibleng maging dahilan ng pagtataas sa mga pangunahing bilihin.
Giit ni Javellana, hindi makatwiran ang nasabing tariff hike at malamang na maipasa lamang ito sa mga consumers.
Batay kasi sa inaprubahang memorandum ni PPA General Manager Jay Daniel Santigao, magtataas ng dalawamput apat (24) na porsyento ang taripa sa mga kargamentong pumapasok sa Manila North Harbour.
By Krista De Dios
