Epektibo na ngayong araw ang taas-singil sa presyo ng produktong petrolyo.
Buena manong ipinatupad ng kumpaniyang Caltex, kaninang alas-dose ng madaling araw, ang piso at tatlumpu’t limang sentimo na dagdag-singil sa kada litro ng gasolina.
Aabot naman sa apatnapu’t limang sentimo ang magiging taas-singil sa kada litro ng diesel habang tatlumpu’t limang sentimo sa kada litro ng kerosene.
Nagpatupad din ng kaparehong presyo kaninang alas-sais ng umaga ang mga kumpaniyang SEAOIL; Pilipinas Shell; Petron; PTT Philippines; PetroGazz; Phoenix Petroleum; Unioil; Flying V; at Jetti Petroleum; habang mamayang alas kuwatro naman ng hapon magpapatupad ang kumpaniyang CleanFuel.
Una nang inihayag ng ilang mga eksperto, na ang panibagong paggalaw sa presyo ng produktong petrolyo ay bunsod ng pagbabawas sa produksyon ng langis mula sa Russia at Saudi Arabia.
