Hindi na isasailalim sa swab test at quarantine ang mga Pinoy na uuwi sa bansa mula sa mga bansang mababa ang bilang ng kaso ng COVID-19 at kung wala silang sintomas ng sakit.
Batay sa ipinalabas na bagong alituntunin ng Department Of Health ang naturang kautusan ay ipatutupad din sa mga dayuhang returning residence sa Pilipinas.
Gayunman nilinaw ng DOH Na hindi na nila saklaw kung ire-require pa rin ng uuwian nilang lalawigan na sila ay magpa-swab test.
Sinabi rin ni Health Undersecretary Maria Rosario Vergeire na bago pa man makarating sa Pilipinas ang mga pinoy na pauwi, sumailalim na ang mga ito sa test sa kanilang pinanggalingang bansa.
