Makikibahagi rin sa isasagawang rally ang mga labor group sa araw ng State of the Nation Address (SONA) ni Pangulong Rodrigo Duterte.
Ayon kay Eleanor De Guzman ng Kilusang Mayo Uno (KMU), nakipag-ugnayan na sila sa Quezon City Police District para sa mas maayos na idadaos na rally lalo’t nagbigay na ng pahintulot ang lokal na pamahalaan sa pagsasagawa ng mga kilos protesta sa nasabing araw.
Ani De Guzman, tiniyak nilang masusunod pa rin ang mga quarantine protocol gaya ng physical distancing at pagsusuot ng face mask; obligado rin na magdala ng alcohol ang lahat ng dadalo sa nasabing kilos protesta.
Magkakaroon din umano ng adjustment sa kanilang programa –magiging maigsi lamang umano dahil nga sa hindi normal na sitwasyon ngayon bunsod ng banta ng coronavirus disease 2019 (COVID-19).
Samantala, nagpahayag din ng pakikiisa sa rally ang Bagong Alyansang Makabayan ngunit mayroon din anilang magiging adjustment sa kanilang panig.
Kung dati ay laging nagsusunog ng effigy ang grupo pagkatapos ng protesta ngunit, ngayon ay virtual na lamang ito.