Nagsagawa ng surprise inspection ang pamunuan ng MRT-3 sa maintenance areas ng MRT-3 Depot Office para alamin ang sitwasyon ng bawat mga bagon sa linya nito.
Pinangunahan ni MRT-3 General Manager Engr. Federico Canar Jr., ang inspeksiyon sa mga pasilidad kasama si Director for Operations Oscar Bongon kung saan, kanilang naabutan ang mga maintenance personnel na nagtatrabaho para tapusin ang scheduled maintenance activities.
Layunin nitong masigurong nasa maayos na kundisyon ang bawat bahagi ng mga tren at kung nalilinisan o nahuhugasan ang mga ito sa automatic train washer area.
Bukod pa dito, nilibot din ng mga opisyal ang iba pang lugar sa Depot Complex, kinausap ang mga tauhan, at nagbigay ng instruction para sa pagpapa-igting ng MRT-3.