Sinimulan na ng Philippine National Police ang pangangalap ng impormasyon kaugnay sa isiniwalat ni Pangulong Rodrigo Duterte na isa sa mga presidential aspirant ang gumagamit ng cocaine.
Ayon kay P.N.P. Chief, Gen. Dionardo Carlos, maaaring humantong ito sa imbestigasyon sa oras na makakalap ng sapat na impormasyon at ebidensya.
Bagaman hindi pinangalanan, inihayag ni Pangulong Duterte na nagmula sa isang kilala at mayamang pamilya ang nasabing kandidato.
Samantala, suportado ni Carlos maging ng buong P.N.P. ang hamong sumailalim sa drug tests ang mga kandidato sa 2022 elections.—sa panulat ni Drew Nacino
