Aabot sa 300 metro ng Skyway Stage 3 project ang nasira sa nangyaring sunog na nagsimula sa plastic plant area ng San Miguel Yamamura Packaging Corp. sa Pandacan, Manila.
Ito ang lumabas sa isinagawang initial assessment ng SMC infrastructure’s technical team na agad nagtungo sa lugar matapos ideklarang under control ang naturang sunog.
Ngunit ayon sa SMC, hindi pa nila madetermina sa ngayon ang talagang kabuuang lawak ng pinsalang idinulot ng sunog sa Skyway Stage 3 project.
Samantala, tiniyak naman ng kumpanya na handa silang tulungan ang mga naapektuhan dahil sa insidente.
