Naka-alerto na ang Philippine Red Cross (PRC) volunteers sa bansa ngayong mag-pa-pasko.
Ito’y upang marespondehan ang anumang emergency na maitatala sa gitna ng kaliwa’t kanang pagdiriwang.
Ayon kay PRC Chairman Richard Gordon, bukas sila 24 oras para sa mabilisang aksyon sa oras na may mangailangan ng tulong.
Tiniyak din ni Gordon na bukas ang kanilang blood service facilities maging ang kanilang mga ambulansya at emegency services.
Nagpaalala naman ang PRC sa publiko na mag-ingat sa biyahe at tiyaking maayos ang mga sasakyan upang makaiwas sa aksidente o aberya. —sa panulat ni Jenn Patrolla
