Nagbabala ang Russia sa Thailand hinggil sa sinasabing pagpasok ng ISIS sa kanilang bansa.
Sa isang liham, tinukoy ng Federal Security Service o FSB ng Moscow ang 10 Syrians na umano’y konektado sa Islamic State kung saan target ang mga Russian.
Sinasabing noong Oktubre pa ng taong ito nakapasok sa Thailand ang mga nabanggit na dayuhan para maghasik ng lagim.
Gayunman, bagama’t kinumpirma ng Thai police na nakatanggap sila ng naturang sulat ay itinanggi nilang may banta ng terorismo sa kanilang nasasakupan.
By Jelbert Perdez