Itinanggi ni Senador Bam Aquino ang report na pag-uusap nila ni Presidential daughter at Davao City Mayor Sara Duterte-Carpio.
Ayon kay Aquino, hindi sila nagka-usap o nagkaharap man lang ni Mayor Sara.
Tiniyak ni Aquino na mananatili siya sa oposisyon sakali mang tumakbo siya sa 2019 elections.
Posible rin aniyang magsama-sama silang mga re-electionist senator sa isang coalition slate.
Una nang inihayag ni Senador JV Ejercito na nakikipag-usap ang ilang re-electionist senator kay Mayor Sara para sa bagong partidong binuo nito matapos ihayag ni House Speaker Pantaleon Alvarez na hindi magpapasok ng hindi nila ka-partido sa senatorial line up ng PDP-Laban.
—-
