Hinikayat ni Senate President Koko Pimentel ang mga miyembro ng kanilang partido na PDP-Laban na suportahan si Pangulong Rodrigo Duterte sa harap ng mga pag-atake at pekeng balita o maling impormasyon laban dito.
Ito ang panawagan ni Pimentel sa pagdalo ng 40 kongresista, gobernador at konsehal maging ng ilang pribadong mamamayan sa basic membership seminar ng PDP-Laban.
Hinimok din ng Senate President ang mga ito na suportahan ang Pangulo sa pagpapaliwanag sa isinusulong na Pederalismo.
Iginiit ni Pimentel bilang Presidente ng partido, naobserbahan niya ang pinaigting na pag-atake kay Pangulong Duterte kaya’t nananawagan siya ng suporta mula sa kanilang mga miyembro.
By: Drew Nacino / Cely Bueno
