Nabawi na ng militar ang ilang bahagi ng bayan ng Antipas, na kinubkob ng New People’s Army sa North Cotabato.
Ayon kay Lt. Col. Harold Argamosa, commanding officer ng 39th Infantry Battalion, napasok ng mga sundalo ang Barangay Camutan pero gaya ng inaasahan ay nanlaban ang mga rebelde sa pangunguna ni Alvin Gulmatico alyas “Joel” ng NPA-Guerilla Front 53.
Bagaman natapos na anya ang clearing operations ng mga tropa ng gobyerno, nananatiling naka-alerto ang mga sundalo sa posibleng pag-reskbak ng komunistang grupo na umatras patungo sa kabundukan.
Samantala, kinukumpirma pa ang ulat na binihag ng mga rebelde ang ilang pamilya upang magsilbing human shield.
By: Drew Nacino
