Ibinunyag ni Senadora Cynthia Villar na sa mga ka-partido niya sa Nacionalista Party, si Senador Allan Peter Cayetano ang seryoso at interesadong tumakbo sa halalang pampanguluhan.
Ngunit humihingi pa, aniya, ito ng panahon para makapag-isip-isip pa.
Samantala, tiniyak ni Villar, na walang balak na muling sumabak sa presidential elections ang kanyang mister at NP President na si Senador Manny Villar.
Dagdag ni Villar, kapag wala ni isa man sa kanilang mga partymates ang tumuloy sa pagtakbo sa halalang pampanguluhan, posibleng si Senadora Grace Poe ang kanilang suportahan.
By Avee Devierte | Cely Bueno (Patrol 19)
