Target ng Senate Committee on Ways And means na makapagsumite ng report hinggil sa Tax Reform Bill upang madala na ito sa plenaryo at masimulan na ang deliberasyon hinggil dito.
Ngunit ayon kay Senador Sonny Angara, Chairman ng Komite, medyo may kataasan ang panukalang Sampung Pisong Excise Tax sa mga matatamis na inumin tulad ng softdrinks.
Ayon kay Angara, aabot aniya ng 50 porsyento ang itataas sa presyo ng bawat litro ng soft drinks kung papatawan pa ito ng 10 pisong dagdag na buwis.
Kailangan din aniyang malinaw kung ang nasabing panukala ay isang uri ng health o revenue bill dahil batay sa mga naunang pagdinig hinggil dito, lumalabas na pinag isa na itong health at revenue bill.
By: Jaymark Dagala / Cely Bueno
