Palaisipan ngayon kung tuluyan na nga bang lumipat sa Kapamilya network si Sarah Lahbati.
Ginulat ni Lahbati ang mga manunuod nang lumabas ito at magperform sa ASAP ng Dos kasama ang mga dati ring Kapuso na sina RC Muñoz, Michelle Madrigal at Bella Padilla.
Sa katunayan, matapos ang dance number ni Sarah, ay agad itong nag-trending sa Twitter kung saan marami ang nasiyahan na makita sa Kapamilya network ang aktres.
Agad namang nag-tweet si Sarah upang pasalamatan ang kanyang mga tagasuporta.
Gayunman, wala pang kumpirmasyon mula kay Sarah kung permanente na nga nitong iniwan ang Kapuso network.
Matatandaang lumamlam ang career ni Sarah magmula nang mabuntis ito ni Richard Gutierrez na wala na ring proyekto ngayon sa Siete.
By Ralph Obina
