Inamin ni Kapuso Primetime Queen Marian Rivera na hindi si Dingdong Dantes ang tipo niyang lalaki noon.
Say ni Marian, wala siyang naramdaman noon nang magkakilala sila ng kanyang mister sa audition ng GMA TV series na ”Marimar.”
Aniya, trabaho lang at walang magic o spark sa pagitan nila ni Dingdong.
Sinabi pa ng primetime queen na itinuturing niya noon na ‘Close to hate person’ niya si Dong, kaya’t hindi niya akalaing magkakatuluyan sila.
Ngunit kalaunan aniya ay nakita niya ang magandang katangian nito at nabatid na mabait na tao ang kanyang mister.
Taong 2014 nang maganap ang pag-iisang dibdib ng Kapuso Royal Couple at ngayon ay may dalawa na silang anak na sina Zia at Sixto.
