Isang linggo matapos ilabas ang unang pasilip sa inaabangang 2016 JaDine movie na ‘This Time’ ay agad na pinag-usapan at nag-viral ito sa social media.
As of posting time, umabot na sa higit kalahating milyon na views ang teaser trailer nito sa YouTube.
Ang pelikula ay bagong project nina James Reid at Nadine Lustre matapos ang successful na teleseryeng On the Wings of Love.
Ang ‘This Time’ ay istorya ng childhood friends na sina Coby at Ava na nagkikita lamang tuwing summer vacations. Sa paglipas ng panahon ay na-develop ang feelings ng magkaibigan para sa isa’t isa ngunit susubukin sila ng pagkakaroon ng isang long distance relationship.
Ito na ang much awaited comeback ng dalawa sa big screen matapos ang hit movies na Diary ng Panget at Talk Back and You’re Dead.
Tampok din sa pelikula sina Yam Concepcion, Bret Jackson, Donnalyn Bartolome, Issa Pressman, Candy Pangilinan, John Lapus, Al Tantay, Nova Villa, at Freddie Webb.
Sa direksyon ni Nuel Naval, nakatakdang ipalabas ang pelikula sa May 4, 2016.
PANOORIN:
