Patay ang wala pang isang buwang gulang na sanggol dahil sa COVID-19 sa Davao City.
Ayon sa Department of Health (DOH) Region 9, iniimbestigahan pa sa ngayon kung saan posibleng nahawa ang naturang sanggol.
Gayunman batay sa datos na inilabas ng Southern Philippines Medical Center kung saan isinilang at na-admit ang bata, posibleng nakuha nito ang sakit sa kanilang komunidad kung saan marami rin ang may kaso ng COVID-19.
Mayo 7 nang dalhin ang sanggol sa ospital matapos itong makaranas ng LBM at lagnat.
