Balik Panatag o Scarborough Shoal na ang Philippine Coast Guard (PCG) upang mag-patrol sa pinag-aagawang teritoryo.
Ayon kay Transportation Secretary Arthur Tugade, pawang “roving inspection” ang isasagawa ng PCG sa halip na kumprontahin ang Chinese Coast Guard.
Malayo anyang mangyari sa ngayon na magkaroon ng komprontasyon sa pagitan ng mga Filipino at Tsino sa Bajo de Masinloc.
Magugunitang sinuspinde ng PCG ang kanilang deployment sa naturang lugar sa gitna ng pananalasa ng bagyong Karen at super typhoon Lawin bilang respeto na rin sa pagbisita ni Pangulong Rodrigo Duterte sa China noong isang buwan.
Idineploy sa Scarborough ang BRP Tubbataha at BRP Davao del Norte kasama ang tatlong monitoring, control at surveillance vessels.
By Drew Nacino
