Itinaas na ng NDRRMC sa red alert status ang lahat ng kanilang regional council sa buong isla ng Mindanao kasunod na rin ng kaguluhan sa Marawi City.
Ayon kay NDRRMC Spokesperson Romina Marasigan, aalalayan nila ang mga nagsisilikas sa Marawi patungo sa ibang bayan.
Ipinabatid ni Marasigan na nasa blue alert status naman ang punong tanggapan ng NDRRMC sa Kampo Aguinaldo
ibig sabihin, ang bawat ahensya ng gobyerno mula sa DSWD, DOH, AFP, BFP at PNP ay may kinatawan na sa operation center ng NDRRMC.
Magiging abala na ang mga ito 24/7 para tumanggap ng mga impormasyon at sitwasyon mula sa kanilang mga tao na nasa field.
By: Meann Tanbio / Jonathan Andal
