Ibinasura ng Senate Electoral Tribunal (SET) ang dalawang quo warranto petitions laban kay Senador Aquilino “Koko” Pimentel lll dahil sa kawalan ng merito.
Sa 16 na pahinang desisyon ng SET, kwalipikado si Pimentel nang tumakbo ito at manalo para sa 2019-2025 senatorial term dahil isa lamang at hindi dalawang termino ang kanyang nabuo.
Matatandaan na mahigit sa dalawang taon lamang naupo bilang senador si Pimentel nuong August 2011 hanggang June 2013 nang manalo ang kanyang protesta laban kay Senador Migz Zubiri na naupo bilang senador mula June 2007 hanggang August 2011.
