Suspendido ang klase sa ilang bahagi ng bansa ngayong Biyernes, July 24, bunsod ng patuloy na pag-ulan na dulot ng Tropical Depression Kiyapo at habagat.
Kabilang sa mga lugar na nagpatupad ng suspensyon ng klase sa lahat ng antas sa mga pampubliko at pribadong paaralan ang Maguindanao del Norte, Maguindanao del Sur, Sibuco sa Zamboanga del Norte, Sultan Kudarat, Pagudpud sa Ilocos Norte, Pigcawayan sa Cotabato, Bacolod City, at Jordan sa Guimaras.
Samantala, sinuspinde rin ang face-to-face classes sa General Trias City, Cavite, habang kanselado naman ang klase sa Libmanan, Camarines Sur dahil sa kanilang taunang kapistahan.
Sa ngayon, patuloy ang pagbabantay ng mga lokal na otoridad sa epekto ng masamang panahon.
Payo sa publiko na manatiling nakatutok sa mga opisyal na anunsyo tungkol sa posibleng karagdagang suspensyon ng klase at iba pang hakbang pangkaligtasan. | Sa panulat ni Reabelle Medina.
