Pinatitigil ng Land Transportation Franchising and Regulatory Board o LTFRB ang pagpapataw ng dalawang piso kada minutong singil ng Grab sa kanilang mga pasahero.
Sa inilabas na kautusan ng LTRFB, kanilang nagpagpasiyahang suspendihin ang P2 per minute charge ng Grab habang nagpapatuloy pa ang kanilang pagrereview at wala pang naipalalabas na resolusyon sa usapin.
Magugunitang isiniwalat ni PBA Party-list Representative Jericho Nograles na kailangang ibalik ng Grab ang dalawang piso kada minutong kanilang siningil sa kanilang mga pasahero sa nakalipas na limang buwan.
Patuloy naman ang pagdinig ng LTFRB sa nasabing usapin at nakatakda ang susunod na hearing sa Mayo 29.
—-
