Paiigtingin ang quarantine protocols sa mga biyaherong dumarating sa bansa sa gitna ng pagdami ng Covid-19 cases sa China.
Ito’y matapos ipinag-utos ng Department of Health sa Bureau of Quarantine, kung saan na dapat suriing mabuti ang Maritime Declaration of Health at sa Aircraft General Declaration.
Ayon sa DOH, tatalakayin ng Inter-Agency Task Force on Emerging Infectious Diseases (IATF) hinggil sa panuntunan sa border control na pumapasok sa bansa na mula sa China.
Kailangan anya magpakita ng negative pre-departure antigen o RT-PCR test results ang mga foreign traveler na hindi pa fully vaccinated bago tumungo sa bansa.
Samantala, una nang nagdeklara ang United States, Italy, Japan, India at Malaysia na pagbabantay sa mga manggaling sa China. –sa panulat ni Jenn Patrolla