Patay ang isang drug pusher na pinaniniwalaang may ugnayan sa Parojinog group sa isinagawang buy–bust operation sa Ozamiz City.
Kinilala ang suspek na si Reynan Pinuti, kapatid umano ng isang wanted person na may kaugnayan sa nasabing drug group na sangkot sa kalakaran ng illegal na droga sa lungsod.
Ayon sa pulisya, nagpaputok ng baril ang suspek matapos na matunugan na isang pulis ang kanyang ka–transaksyon.
Dito na gumanti ng putok ang mga pulis na naging dahilan nang pagkasawi ng suspek matapos tamaan ng bala ng baril.
Narekober mula kay pinuti ang labing isang pakete ng hinihinalang shabu, drug paraphernalia at baril.
