Nakapagtala ang Department of Health (DOH) ng 605 na bagong kaso ng Covid-19 habang bumaba sa 13,822 ang aktibong tally sa bansa.
Ayon sa datos ng DOH, bahagyang bumaba rin ang mga aktibong kaso mula sa 13,825 noong Huwebes habang pumalo sa 4,063,816 ang total caseload.
Nasa 27 naman ang bagong nasawi kaya umakyat sa 65,359 ang kabuuang death toll.
May pinakamataas pa rin na bilang ng mga kaso ang National Capital Region (NCR) nitong nakaraang linggo na maya 3,672, sinundan ng CALABARZON na may 1,691, Central Luzon na may 836, Western Visayas na may 465 at Ilocos Region na may 344. –sa panulat ni Jenn Patrolla
