Tuloy ang laban sa korte ni Miss Universe 2018 Catriona Gray kaugnay sa kaniyang ireklamong fake nude photo niya na lumabas sa tabloid na Bulgar.
Ito’y matapos na irekomenda ng Quezon City Prosecutor’s Office ang pagsasampa ng kasong libel laban sa editor ng Bulgar entertainment na si Janice Navida at writer na si melba Llanera dahil sa artikulong inilabas ng mga ito na nude photos umano ni Gray.
May isang bilang din ng kasong cyber libel laban kay Navida dahil sa Facebook post nito tungkol sa dating Miss Universe.
Batay sa imbestigasyon, lumalabas na mayroong “probable cause” para makasuhan ng libel sina Navida at Llanera dahil sa umano’y mapanirang artikulo sa naturang tabloid laban kay Catriona.
