Nagreklamo sa National Bureau of Investigation (NBI) ang halos 100 residente sa Kidapawan City sa Cotabato matapos mabiktima ng pyramiding scam.
Ayon sa mga biktima, ni-recruit sila ng isang Lanie Gahum-Agapo sa PBB Lanmar Investment Group.
Sinabi ng mga biktima na naglabas sila ng 1,500 pesos bilang bayad sa dalawang bote ng food supplement at kailangan nilang mag-recruit ng dalawang tao na magbabayad din ng ganuong halaga at magre-recruit din ang mga ito at ulitin ang parehong recruitment process.
Nangako ang PBB Lanmar na magiging P10,000 ang P1,500 pesos na paunang investment matapos ang 15 araw.
By Judith Larino