PSA website nakaranas ng aberya sa unang araw ng National ID registration

Nakaranas ng “technical difficulties” ang website ng Philippine Statistics Authority (PSA) sa unang araw ng online registration para sa National ID.

Sa abiso ng PSA, nireresolba na ng kanilang technical team ang naturang isyu.

Nanghingi naman ng paumanhin ang PSA sa publiko kaugnay sa naturang aberya at kaagad na magbibigay ng updates oras na maayos na ang isyu sa kanilang website.

Magugunitang taong 2018 nilagdaan ni Pangulong Rodrigo Duterte ang panukalang batas na layong magkaroon ng iisang ID para sa lahat ng mamamayan at banyagang nakatira sa Pilipinas upang mapadali ang transaksyon sa mga pampubliko at pribadong tanggapan.

Comments

comments