Walang pakinabang ang mga Pilipino sa posibleng paghaharap sa debate ni President Rodrigo Duterte at Retired Supreme Court Senior Associate Justice Antonio Carpio kaugnay sa usapin sa West Philippine Sea.
Ito ang pananaw nina Senate President Vicente Sotto III at Senate Foreign Relations Committee Chairman Aquilino Pimentel III.
Anila hindi na kailangan pagtalunan pa sa isang pormal na debate ang isyu sa pinag-aagawang teritoryo dahil mas interesado ngayon ang mga Pinoy sa pagkaing ihahain para sa kanilang pamilya at kabuhayan.
Maliban anila rito, marami pang mas mahalagang bagay ang dapat na pagtuunan ng pansin kaysa magkaroon ng debate sina Pangulo at Carpio.