Kumpiyansa si Pangulong Ferdinand “Bongbong” Marcos Jr., na tataas ang ekonomiya ng Pilipinas dahil sa bumababang bilang ng unemployment sa bansa.
Ayon sa punong ehekutibo, tumaas ng hanggang 8% ang inflation rate nito lamang nakaraan buwan kung saan, bumaba ang unemployment rate ng mahigit apat na porsyento mula sa dating limang porsyento.
Iginiit ng pangulo na maganda ang resulta ngayon ng unemployment rate kung saan, makikita ang maliwanag na inaasam ng bawat isa para sa ekonomiya at malabo umanong magkaroon ng recession.
Tiniyak din ni PBBM sa publiko na kaniyang pagagaanin ang pasanin ng ating mga kababayan sa gitna ng kasalukuyang mga hamon partikular na ang mataas na presyo ng langis at mga bilihin sa bansa.
Sinabi ng pangulo na gumagawa ng paraan ang gobyerno para matugunan ang mga pangangailangan ng mga ordinaryong pilipino.