Pumalo na sa 28 milyong Pilipino ang rehistrado para sa Philippine national ID system (PhilSys) batay sa tala ng Philippine Statistics Authority (PSA).
Nasa 10.6 milyon naman ang nakapagparehistro na noong Oktubre hanggang nitong Marso at 17.4 milyon naman nitong Enero hanggang Marso.
Mula sa mga numerong ito 4.6 milyon na ang nakapagparehistro para sa ikalawang step.
Ayon kay PSA Assistant Secretary Rosalinda Bautista, prayoridad ng PSA na makuha ang impormasyon ng mga Pilipinong nasa mga lugar kung saan may mahina o walang internet bago nito buksan ang pagpaparehistro online.
Matatandaang tatlong pamamaraan ang ginagawa ng PSA sa pangangalap ng impormasyon kabilang na ang pagbahay-bahay para sa demographic, biometric registration, pagbibigay ng PhilSys number at ID.—sa panulat ni Agustina Nolasco
