Desidido si Pangulong Rodrigo Duterte na pagandahin at ipatupad ang Pag-Asa development plan sa siyam na isla sa Kalayaan Group of Islands.
Kasunod ito ng utos ng Pangulo na okupahin na ng mga sundalo ang mga isla na bahagi ng mga pinagtatalunang teritoryo sa West Philippine Sea.
Sinabi ni Presidential Spokesman Ernesto Abella, bahagi ito ng mandato ng Pangulo na pagsilbihan ang interes ng bansa.
Ang Pangulo ang magiging kauna-unahang Presidente na bibisita at magdiriwang ng Independence Day sa Pag-Asa Island.
Sinabi ni Abella na kapag natuloy ang plano, sasamahan ang Pangulo ng gobernador, tatlong Congressmen mula sa Palawan at mga opisyal ng bayan ng Kalayaan.
Idinagdag pa ni Abella na nananatili ang commitment ng gobyerno na mapaganda ang mga nabanggit na isla para sa kapakinabangan ng mamamayan.
By: Avee Devierte / Aileen Taliping
