Pinuri ng Malacañang ang Bureau of Customs (BOC) sa labing-anim (16) na porsyento itinaas sa target collection ng ahensya sa buwan ng Marso.
Ayon sa Customs, mula sa target na 36.57 billion pesos, sumobra ito ng mahigit isang (1) bilyong piso.
Matatandaang 32.38 billion pesos lamang ang koleksyon ng Customs noong Marso ng nakalipas na taon.
Sinabi ni Presidential Spokesman Ernesto Abella, dulot ang pagtaas ng koleksyon sa determinasyon ng liderato ng ahensya na pagandahin ang kita at ang zero corruption policy ng administrasyon laban sa mga nandadaya ng kanilang buwis.
By Avee Devierte / Report from Aileen Taliping (Patrol 23)
