Nagbukas ng drive-thru collection site ang Philippine Red Cross para sa kanilang saliva RT-PCR testing sa SM Megamall sa Mandaluyong City at SM Mall of Asia sa Pasay City.
Ayon sa PRC, kabilang ito sa kanilang layunin na magkaroon ng mas madaling access ang mga Pilipino sa COVID-19 RT-PCR tests.
Opisyal na binuksan ang mga naturang collection sites kahapon, Pebrero 2, kung saan maaari nang puntahan para makapagbigay ng saliva sample para sa RT-PCR tests na gagawin sa laboratoryo ng Philippine Red Cross.
Anila, bukas ang mga collection sites sa Megamall at MOA mula alas-9 ng umaga hanggang alas-5 ng hapon.
Samantala, pinapayuhan na naman ng PRC ang mga nais sumailalim sa saliva RT-PCR testing na magparehistro sa website na book.redcross1158.com para makakuha ng appointment at retrieval code na hihingin ng kanilang staff sa collection site.
Kinakailangan ding magdala ng valid ID para sa scanning at system upload.
