Sinibak na sa pwesto ang police official na leader umano ng Kidnap-for-Ransom Group na sangkot sa pagpatay sa casino junket operator na si Carlos Abad Tan.
Ipinag-utos ni Southern Police District Director, Chief Supt. Tomas Apolinario ang pagsibak kay Supt. Johnny Orme isang araw matapos mapaulat na sangkot umano ito sa pagdukot at pagpatay kay Tan noong October 21.
Ayon kay Apolinario, isinailalim si Orme sa district personnel holding and accounting section bilang bahagi ng standard operating procedure.
Tinawagan pa anya ng SPD Command Group si Orme upang lumutang ito at linisin ang kanyang pangalan kung talagang wala itong kinalaman sa krimen.
Nilinaw naman ni Apolinario na walang balasahan ng mga personnel sa Paranaque City Police Station partikular sa special operations unit at intelligence unit kung saan naka-assign si Orme.
