Isang special investigation task group ang ikakasa ng Philippine National Police (PNP) para mahubaran ng maskara ang mga opisyal ng PNP, AFP at nasa gobyerno na tumutulong kay Kapa-Community Ministry Founder Joel Apolinario sa operasyon nito.
Sinabi ni PNP Chief General Archie Gamboa na iimbestigahan din nila ang 23 naaresto sa raid sa mansyon ni Apolinario nuong martes sa posibleng mga impormasyong makatulong sa pagpapalakas ng kaso laban kay Apolinario.
Tiniyak ni Gamboa na kakasuhan nila ang lahat ng mga tiga gobyerno na mapapatunayang sangkot sa investment scam ni Apolinario na nabunyag ang private army nang lusubin ito ng mga otoridad sa Barangay Handamayan, Lingig, Surigao Del Sur.
