Posibleng isailalim sa lockdown ang Philippine Military Academy (PMA).
Ito ang inihayag ni Armed Forces of the Philippines (AFP) Spokesperson Major General Edgard Arevalo, kung patuloy pang tataas ang kaso ng COVID-19 sa loob ng akademiya.
Ayon kay arevalo, kasalukuyan nang naka-isolate ang mga indibiduwal na nadiskubreng positibo sa COVID-19 at kontrolado ang sitwasyon sa PMA.
Una nang inihayag ng opisyal na ilang kadete ng pma at mga nangangasiwa sa pagkain sa loob na PMA ang nahawaan ng COVID-19.
Habang sinabi ni PMA Spokesperson Major Cherrly Tindog na ilang military personnel din sa loob ng akademiya ang nagpositibo rin sa virus matapos magsagawa ng mass RT-PCR testing.
