Winasak ng mga awtoridad ang nasa halos P100,000 halaga ng mga tanim na marijuana sa isang maliit na plantasyon nito sa Bansud, Oriental Mindoro.
Ito’y kasunod ng ikinasang operasyon ng pinagsanib na puwersa ng Philippine Drug Enforcement Agency (PDEA) sa MIMAROPA at Philippine National Police (PNP) sa bahagi ng Sitio Upper Lancawan sa nasabing lugar.
Ayon sa MIMAROPA PNP, aabot sa 14 na “fully grown” marijuana plants na nagkakahalaga ng P980,000 ang winasak at kinumpiska.
Bagama’t walang naaresto sa nasabing operasyon, nagkasa naman ng follow up operations ang Bansud Municipal Police Office upang matukoy at maaresto kung sino ang may-ari gayundin ang nagtanim ng naturang mga marijuana.