Aabot sa 300 pamilya ang inilikas sa dalawang bayan sa North Cotabato dahil sa pinaigting na opensiba ng militar sa isa pang grupo ng mga bandido.
Pinamumunuan ng isang Esmael Abdul Malik alyas Abu Turaifi ang grupong Jama’at Al-Muhajirin Wa Al-Ansar na sinasabing nanumpa na ng suporta sa nuo’y ISIS Emir na si Isnilon Hapilon na napatay na ng militar sa Marawi City.
Itinuturing ng militar si Abu Turaifi na isa sa tatlong pinuno ng breakaway group ng MILF o Moro Islamic Liberation Front na BIFF o Bangsamoro Islamic Freedom Fighters ngunit bumuo ng panibagong grupo.
Gayunman, tiniyak ng 602nd infantry brigade ng army na pinaiigting na nila ang pagkalap ng mga impormasyon hinggil sa grupo ni Turaifi para hindi na matulad pa sa nangyaring pagkubkob ng mga terorista sa Marawi City ang sitwasyon sa naturang lugar.
SMW: RPE
