Ilalabas na sa Lunes ng Human Rights Victims Claims Board ang pinal na listahan ng mga biktima ng martial law na mabibigyan ng danyos.
Ayon kay Human Rights Victims Claims Board chairperson Ret. Gen. Lina Sarmiento, sa ngayon, mayroon ng 11,000 biktima ang siguradong makakakuha ng kompensasyon.
Posible pang madagdagan ito bago mag-Lunes dahil may 1,000 apela pa ang dinedesisyunan ngayon ng Claims Board.
Ayon kay Sarmiento, sisimulan na nilang ipamahagi ang pera ng mga biktima ng martial law sa Martes hanggang sa Sabado, Mayo 12.
Buong porsyento na aniya matatanggap ng mga biktima ang kanilang kompensasyon
Posibleng umabot sa 1.7 million pesos ang makuha ng isang claimant depende kung anong klaseng pang-aabuso ang naranasan nila noong martial law.
Pinal na listahan ng mga biktima ng martial law na bibigyan ng danyos, ilalabas na sa Lunes, May 7 ayon kay Human Rights Victims’ Claims Board Chair Lina Sarmiento @dwiz882 pic.twitter.com/4ZTZzq05SR
— Jonathan Andal (@JonathanAndal_) May 5, 2018
