Target alamin at ayusin ni Public Works and Highways Secretary Vince Dizon ang mga posibleng problema sa mga DPWH-made classrooms ng Department of Education.
Ayon kay Sec. Dizon, nakipagpulong na ang kanyang bagong team kay DepEd Sec. Sonny Angara para matunton ang nasabing mga infrastructure projects.
Giit ng kalihim, kailangan ayusin ang mga proyekto lalo’t ang mga estudyanteng gumagamit ng sira-sirang silid-aralan ang nagiging kawawa rito.
Matatandaang una nang inamin ni dismissed Bulacan Assistant District Engineer Brice Hernandez na kabilang sa substandard projects ng DPWH ang mga itinayong school buildings sa bansa.
