Pumalo na sa 30,898 pamilya o 119,214 indibidwal ang naapektuhan ng magnitude 7 na lindol sa Northern Luzon.
Sa datos ng Department of Social Welfare and Development (DSWD) hanggang alas-6:00 ng hapon kahapon, nagmula ang mga residente sa 338 Barangay sa Region 1 at Cordillera Administrative Region.
1,958 pamilya ang nananatili sa loob ng evacuation centers habang 850 pamilya ang nanunuluyan sa kanilang kamag-anak o kaibigan.
Sumampa naman sa 2,015 ang nasirang bahay, kabilang ang 153 totally damaged at 1,862 partially damaged.
Samantala, aabot na sa 146,260 pesos ang naipamahaging tulong ng mga LGU sa mga naapektuhan ng lindol sa mga bayan ng Bucay, Bucloc, Danglas at Lagayan, Abra.
