Kailangan pa rin ng Pilipinas ang bakuna kontra dengue sa kabila ng malaking pagbaba ng bilang ng kaso nito sa gitna ng COVID-19 pandemic.
Ito ang binigyang-diin ni Dr. Lulu Bravo, Professor Emeritusng U.P. Manila – College of Medicine, kasabay ng pagtatapos ng National Dengue Awareness Month kahapon.
Ayon kay Bravo, tanging bakuna ang solusyon upang ma-kontrol o matuldukan ang pagkalat ng anumang sakit at kung wala ito ay tiyak na babalik ang mga karamdaman.
Wala pa ring dengue vaccine sa Pilipinas matapos mabalot ng kontrobersya ang Dengvaxia ng Sanofi Pasteurna ini-u-ugnay sa pagkamatay ng ilang bata na tinurukan ng nasabing bakuna.
Aminado si Doktora Bravo na bagaman maayos na bakuna naman ang Dengvaxia, sadyang kamalasan ang sinapit nito sa bansa.
Batay sa datos ng Department of Health, 21,478 cases lamang ng dengue ang naitala sa unang bahagi ng taong 2021 kumpara sa 49,135 cases sa kaparehong panahon noong isang taon. —sa panulat ni Drew Nacino