Inimbitahan ngayong araw ng Philippine National Police Criminal Investigation and Detection Group (PNP-CIDG) ang negosyanteng si Manny Pangilinan kaugnay ng imbestigasyon nito sa pagkalunod nina Rene Baterbonia at Divine Adili ng Ateneo Blue Eagles.
Nauna nang sinabi ni Interior Secretary Jonvic Remulla na halos kumpleto na ang imbestigasyon, at posible nang makapagsampa ng reklamo laban sa mga tauhan ng Ateneo de Manila University simula bukas, Hunyo 26.
Inimbitahan ding humarap sa imbestigasyon ng CIDG ngayong araw ang pangulo ng pamantasang Ateneo de Manila na si Fr. Roberto Yap, SJ.
Nabatid na nakakuha ang pambansang pulisya ng impormasyon tungkol sa kinalaman ng Smart Communications sa pangangasiwa sa men’s basketball team ng Ateneo.
Gayunman, nauna nang itinanggi ng MVP Sports Foundation, ang athletic arm ng MVP Group ni Pangilinan, na pagmamay-ari o pinangangasiwaan nito ang naturang koponan.
Samantala, humarap na rin si Ateneo Vice President for Social Development, Fr. Nemesio Que, SJ, bilang bahagi ng imbestigasyon ng PNP-CIDG. — Sa panulat ni Anjo Riñon
