Masyadong agresibo para kay Defense Secretary Voltaire Gazmin ang test landing na ginawa ng China sa Kagitingan Reef o Fiery Cross sa West Philippine Sea.
Ayon kay Gazmin, matagal nang nagpapakita ng pagiging agresibo ang Tsina sa pinag-aaawang mga teritoryo sa West Philippine Sea.
Kinumpirma ni Gazmin na lilipad sila ni Foreign Affairs Secretary Albert de Rosario patungo ng Washington upang makipagpulong sa kanilang counterparts.
Gayunman, sinabi ni Gazmin na hindi naman partikular tungkol sa ginagawa ng Tsina ang kanilang pag-uusapan kundi ang kooperasyon ng dalawang bansa pagdating sa depensa.
Bahagi lamang aniya ang pulong ng patuloy na paghahanda ng Pilipinas na maidepensa ang mga teritoryo Pilipinas sa kahit anong panganib.
By Len Aguirre
