Lumagda na ang Japanese Government sa P308 Million grant aid na magkakaloob sa Pilipinas ng kina-kailangang cold chain transport at ancillaries para sa vaccination kontra COVID-19.
Kapwa nilagdaan nina Foreign Affairs Secretary Teodoro Locsin at Japanese Ambassador to the Philippines Koshikawa Kazuhiko ang Japanese Grant Assistance na tinawag na “Programme For COVID-19 Crisis Response Emergency Support”.
Ayon kay Kazuhiko, palalakasin ng cold chain facility system ang vaccination program ng Pilipinas na titiyak sa ligtas at epektibong delivery ng mga bakuna at magpapanatili sa integridad at kalidad ng mga ito.
Isinagawa ang paglagda sa gitna ng anunsyo ng Japanese Government na mag-do-donate sila ng isang milyong doses ng Astrazeneca na gawang Japan. —sa panulat ni Drew Nacino